O ENTROIDO

"AÍ VEN O ENTROIDO,

É FESTA RACHADA,

OS NENOS NA ESCOLA

FAREMOS FOLIADA"

XA CHEGOU O ENTROIDO A FORNELOS, E SEGUINDO COA IDEA DE COÑECER ENTROIDOS SIGNIFICATIVOS DE GALICIA, ESTE TOCOULLE Á PROVINCIA DE OURENSE.

ELIXIMOS DIFERENTES PERSONAXES REPRESENTATIVOS COMO PELIQUEIROS, BOTEIROS, VERGALLEIROS, A COROA DE COVELO, IRRIOS E BOIS DA VEIGA.

UNHA VEZ DISFRAZADOS FOMOS DAR UNHA VOLTA POLA PRAZA DE FORNELOS E DESFILAMOS POLO PATIO DO COLE. ALÍ EXPLICÁMOSLLE ÁS NOSAS FAMILIAS E AOS COMPAÑEIROS EN QUE CONSISTÍA O NOSO DISFRACE E AS TRADICIÓNS E COSTUMES QUE O CARACTERIZABAN.

LOGO COMEMOS TODAS AS LARPEIRADAS TÍPICAS DESTA ÉPOCA (GRACIÑAS ÁS FAMILIAS POLA SÚA COLABORACIÓN).

E POR ÚLTIMO, PARA BAIXAR ESAS CALORÍAS DE MÁIS, XOGAMOS A DIFERENTES XOGOS NO PATIO.

MIRADE AS FOTOS, VEREDES QUE BEN O PASAMOS!!!!!

...

DÍA INTERNACIONAL DA PAZ

Ao longo de toda esta semana estivemos celebrando o día da paz con diferentes actividades.

Agora  podedes ver un vídeo sobre a exposición que fixo María Ángeles Carrera sobre o conto de "O Principiño". 

Grazas Geli por participar!

Deixámosvos o video do acto central do día da paz no que formamos as patrullas da paz, lemos contos e fixemos actividades interactivas conxuntas propostas polo mestre Roberto (orientador)








E... por último podedes ver algúns dos traballos feitos polo alumnado ao longo desta semana

...

CONCERTO DIDÁCTICO

O MÉRCORES 27 DE XANEIRO, VEU VISITAR O COLE HIPÓLITO CABEZAS, QUE É O DIRECTOR DA BANDA DE GAITAS DO CONCELLO DE FORNELOS DE MONTES. 

AMOSOUNOS E TOCOU MOITOS INSTRUMENTOS TRADICIONAIS: OCARINA, ASUBIO, CHARRASCO, FLAUTAS, PANDEREITA E SOBRE TODO A GAITA.

 AGRADECEMOS MOITO A VISITA DE HIPÓLITO.

 BOTÁDELLE UN OLLO AS FOTOS PARA VER O QUE FIXEMOS!!!!!!!

...

ESTIVEMOS CON PACO NOGUEIRAS

HOXE, GRAZAS AO EQUIPO DE BIBLIOTECA E A EDITORIAL KALANDRAKA, VEU PACO NOGUEIRAS A CANTAR E A CONTAR CONTOS.

 PASÁMOLO PIPA E RECORDAMOS A XOSÉ NEIRA VILAS CANTANDO E RECITANDO ALGÚN DOS SEUS POEMAS.

 MIRADE ABAIXO ALGUNHAS FOTOS DA ACTUACIÓN!!!

...

NADAL NO CEIP DOUTOR SUÁREZ

ESTE ANO EN FORNELOS, PASÁMOLO PIPA COS AXUDANTES DE PAPÁ NOEL DO GRUPO BARAFUNDA TEATRO, QUE VIÑERON GRAZAS A ANPA. 

 NON PARAMOS DE RIR E DE BAILAR DESDE QUE EMPEZARON ATA QUE REMATARON.

 LOGO ENTREGÁRONSE OS AGASALLOS DOS LEMAS DE NADAL, POLO EQUIPO DE DINAMIZACIÓN DA LINGUA GALEGA.

 E AO FINAL... APARECERON OS REIS MAGOS CARGADOS DE AGASALLOS PARA O COLE E DE CARAMELOS PARA OS NENOS E NENAS DE FORNELOS QUE APROVEITARON PARA ENTREGARLLE AS CARTAS.

 MIRADE ABAIXO UN RESUMO FOTOGRÁFICO DO QUE PASOU.

...

1º TRIMESTRE: TRIMESTRE CIENTÍFICO

Deixámosvos unha pequena galería dos experimentos finais dos pequenos científicos de Fornelos.
 A experiencias foron moi bonitas e as explicacións tamén.


 MOITAS GRAZAS POR PARTICIPAR. 

...

PROXECTO O NOSO ENTORNO

INTRODUCIÓN

Este proxecto é unha colaboración entre dous centros:

O NOSO: O CEIP DOUTOR SUÁREZ de Fornelos de Montes

e

O CEIPP BAÑO-XANZA de Valga.

Partindo dun elemento común aos dous concellos como son as fervenzas, pretendemos traballar diferentes obxectivos entre os que destacan o coñecemento dos elementos naturais de ámbolos dous concellos. 

Para organizar o traballo temos un blogue común:

Fornelos e Valga unidos pola natureza; da man dos seus cativos coñecemos as fervenzas

Cada mes, un dos colexios lanzará un reto ao outro centro que estará relacionado coa contorna dunha fervenza. O outro colexio terá que resolver o reto e publicaranse coplas, lendas e traballos artísticos sobre cada fervenza.

MOTIVACIÓN E AVALIACIÓN INICIAL

Fixemos unha selección de libros da nosa biblioteca para poder consultar información e introducirnos en conceptos básicos.

E, para coñecer os coñecementos previos do noso alumnado e das familias elaboramos esta ficha que enviamos para a casa:

Avaliación Inicial

Leer más publicaciones en Calaméo

O EQUIPO DE EXTRAESCOLARES COA AXUDA DO ALUMNADO AMBIENTA ASÍ DE BEN A ENTRADA DO COLEXIO:

PROPORCIONAMOS AO ALUMNADO UN MANUAL DA CÁMARA DE VÍDEO EN LINGUA GALEGA PARA QUE COMECE A GRAVAR.

Manual Cámara De Vídeo

Leer más publicaciones en Calaméo

E.. por suposto os máis pequenos do colexio visitamos un río que hai preto de aquí:

O RÍO OITAVÉN

Aprendimos moito das plantas e os animais que viven nas beiras do río, xa que fomos dando un paseíño. Alí merendamos para coller forzas e logo...  de volta ao cole camiñando!!

SON UNS CAMPEÓNS!!!

MIGUEL, QUE É GARDA FORESTAL NA NOSA COMARCA, VEU A FALARNOS DA FLORA E FAUNA DOS NOSOS RÍOS (OITAVÉN E VERDUGO)

 GRAZAS, MIGUEL!!!

...